Post Title. 04/17/2012
Ոստիկանի օր Առավոտյան հնչած հեռախոսազանգը հաճելի անակնկալ էր Արաբկիր համայնքի ոստիկանապետ պրն. Ա. Մեհրաբյանի համար: Նույն համայնքի Գայի անվան N129 դպրոցի տնօրենը հրավիրում էր մասնակցել Ոստիկանի օրվան նվիրված միջոցառմանը: Քիչ անց ոստիկաններին դիմավորեցին դպրոցում: 6-րդ դասարանի աշակերտները մեծ պատասխանատվությամբ էին պատրաստվել այդ տոնին: Հնչեցին երգեր` նվիրված մեր երկրի հասարակական կարգուկանոնը պահպանող քաջ ոստիկաններին: Երեխաները արտասանեցին բանաստեղծություններ, որոնք բացահայտում էին ոստիկանի դերն ու նշանակությունը մեր կյանքում: Ոստիկաններն ուշադրությամբ լսում էին երեխաների` ասված ջերմ ու երախտագիտությամբ լի խոսքերը: Ոստիկանները խոստովանեցին, որ անակնկալն իրոք ստացվել է: Իրենց կյանքում միշտ կհիշեն այս ջերմ մթնոլորտը, փոքրիկ հուշանվերներն ու ծաղիկները: Add Comment Post Title. 04/17/2012
 2012թ-ի մարտի 26-ին դպրոցում տեղի ունեցավ Բանավեճի ակումբի հերթական հանդիպումը: Մասնակցում էին Բանավեճի ակումբի և Մեդիա խմբի անդամները, ինչպես նաև 7-8-րդ դասարանի թվով 16 աշակերտ: Թեման էր` Ինչպես պետք է վերաբերվել կրթության առանձնահատուկ պայմանների կարիք ունեցող աշակերտների հետ: Բանավեճն անց էր կացնում ծնող Մերի Մարտիրոսյան, որն ունի երկու առանձնահատուկ պայմանների կարիք ունեցող երեխա: Թեման հուզել էր բոլորին, քանի որ այդ դասարաններում կան նման աշակերտներ: Երեխաները անհատապես ձևակերպեցին իրենց ակնկալիքները: Նրանք ակտիվորեն մասնակցեցին խմբային և անհատական քննարկումներին, ճշտեցին իրենց սխալները` ոչ թե խղճալ, այլ վերաբերվել ինչպես հավասարը հավասարին և համբերատար կերպով թույլ տալ արտահայտելու սեփական կարծիքները: Քննարկումն անցավ առողջ մթնոլորտում, աշակերտների սահմանած կանոնների համաձայն: Աշակերտները ծանոթացան առանձնահատուկ պայմանների կարիք ունեցող անձանց մասին ՀՀ օրենքին: Իսկ բանավեճի վերջում յուրաքանչյուր խումբ արեց իր եզրակացությունը և հայտնեց իր ցանկությունը շարունակական աշխատանք կատարել տանը, դպրոցում և, ինչու չէ, նաև դրսում, որպեսզի ճիշտ վերաբերմունք ձևավորվի հատուկ պայմանների կարիք ունեցող մարդկանց նկատմամբ: Նշենք նաև, որ հանդիպմանը ներկա էին Երևանի Խ. Աբովյանի անվ. Մանկավարժական համալսարանից պրակտիկանտներ և <Հույսի կամուրջ> հ/կ-ի ծնողների հետ կապի համակարգող՝ Լիլյա Կարապետյանը: Վերջինս հիացմունքով խոսեց միջոցառման մասնակիցների և կազմակերպիչների մասին. <Դպրոցում տիրում է փոխադարձ սիրո, համագործակցման և հանդուրժողականության մթնոլորտ, որի արդյունքում իրականացվում են աշակերտների և ուսուցիչների համատեղ ուժերով կազմակերպվող միջոցառումներ, որին ակտիվորեն մասնակցում են նաև ծնողները>: Նա տեղեկացրեց նաև <Հույսի կամուրջ> հ/կ-ի կողմից հայտարարաված <Իմ ընկերը> խորագիրը կրող լուսանկարների մրցույթի մասին, որին կարող են մասնակցել մինչև 17 տարեկան բոլոր ցանկացողները: Մրցույթի նպատակն է երեխաների աչքերով ներկայացնել հաշմանդամություն ունեցող երեխաների ներգրավվածությունը կրթական, համայնքային կյանքին և առկա դժվարություններն ու խնդիրները: Վերջում նա առաջարկեց Մեդիա ակումբի անդամներին աշակերտների ծնողների հետ անցկացնել դասընթացներ, ներկայացնել և ծանոթացնել inclusion.am կայքին: Առաջարկը անմիջապես ընդունվեց Մեդիա խմբի անդամների կողմից: Որոշվեցառաջիկայում իրականացնել այդ դասընթացները This is your new blog post. Click here and start typing, or drag in elements from the top bar.     Post Title. 03/01/2012
Ներառական կրթության մասին Գայի անվան թիվ 129 դպրոցում 24.02.2012թ-ի դաս-սեմինարը, որն անցկացրեց ծնող Մերի Մարտիրոսյանը(նա ունի երկու հաշմանդամ երեխա), սպասվածից ավելի արդյունավետ անցավ: Դասին մասնակցում էր 6-8-րդ դասարանների 10 աշակերտ: Ներկաների թվում էին ուսուցիչներ, աշակերտներ, ծնողներ, <Դպրոցական ծնողխորհուրդների անդամների ազգային ասոցիացիա> ՀԿ-ի ներկայացուցիչներ: Դասընթացի նպատակն էր ձևավորել հանդուրժողական վերաբերմունք և նպաստել առանձնահատուկ կրթական պայմանների կարիք ունեցող երեխաների ներառական գործընթացին: Տիկին Մարտիրոսյանը դասը վարեց ժամանակակից ինտերակտիվ մեթոդներով: Աշակերտները ակտիվորեն մասնակցեցին խմբային և անհատական աշխատանքներին, քննարկեցին նույն երևույթը տարբեր տեսանկյուններից, բարձրաձայն արտահայտեցին իրենց մտքերն ու կարծիքները; Ինչպես և ակնկալվում էր, դասի արդյունքում ամրապնդեցին արտահայտած մտքերը, ընթերցեցին ՀՀ օրենքը կապված տվյալ թեմայի հետ, ծանոթացան հաշմանդամ մարդկանց հետ շփվելու կանոններին, և այսուհետ իրենք էլ սովորածը կարող են փոխանցել իրենց դասընկերներին և, ինչու չէ, նաև ծնողներին: Կարծում ենք, որ նախաձեռնության շրջանակները պետք է ընդլայնել, և նման միջոցառումներ ավելի հաճախակի կազմակերպել` ի շահ մեր հասարակության մեջ հանդուրժողականության ձևավորման: <Դպրոցական ծնողխորհուրդների անդամների ազգային ասոցիացիա> ՀԿ-ի ներկայացուցիչները (Ռուզաննա Հակոբյան-գործադիր տնօրեն, Նոնա Մարգարյան- իրավաբան)իրենց գոհունակությունը հայտնեցին և ծնող Մ. Մարտիրոսյանին: <Ջահ> թերթի խմբագիր Մ. Ավետիքյան Post Title. 02/29/2012
Մայրենիի տոն  Գայի անվ. Թիվ 129 դպրոցում փետրվար ամիսն ամբողջությամբ հայտարարված էր մայրենիի միամսյակ: <<Դպրոցի դեմքը մայրենիին նվիրված միջոցառումներն են>> խորագրի ներքո բոլոր դասարաններն սկսեցին մտորել, պրպտել այնպիսի թեմաներ և կառուցողական աշխատանքներ, որոնք նախորդ տարիներին չէին արվել: Դպրոցի համակարգչային դասասենյակում աշակերտները սկսեցին իրենց գործնական աշխատանքները` գծապատկերներ, թեմատիկ ձևավորումներ; Նկարչության ժամերին անգամ շնորհալիները լեզվական նյութին համընկնող գունանկարներ արեցին` ձևավորելով դարձվածքներն ու բառակապակցությունները: Հետ չմնացին նաև դպրոցական երգչախմբի անդամները: Նրանք հարմարեցրին ծանոթ երգի մեղեդին իրենց հորինած բանաստեղծությունը հայող լեզվի մասին: Դպրոցի ասմունքի խմբակի անդամները այս տարի ընդլայնել էին նաև բանաստեղծությունների աշխարհագրությունը` ընդգրկելով այլազգի հեղինակների ստեղծագործությունները մեր լեզվի մասին: Հայոց լեզվի և գրականության մասնախմբի բոլոր անդամները (Մ. Ավետիքյան, Ժ. Գրիգորյան, Ջ. Հայրապետյան) երեխաներին նպատակաուղղել էին բազմազան աշխատանք կատարելուն` հանուն մեր մայրենիի ունեցած դերի ու նշանակության մեր ժողովրդի կյանքում անցյալ, ներկա ու ապագա բոլոր ժամանակներում: Հայոց լեզվի և գրակ.ուսուցիչ Մ. Ավետիքյան
No Title 02/20/2012
Շախմատային առօրյա  Գայի անվ. թիվ 129 դպրոցում շախմատը, որպես խաղ, 1997թ-ից իր արմատներն է գցել: Դպրոցում անց են կացվում մրցաշարեր զուգահեռ դասարանների միջև, իսկ լավագույն խաղացողները մասնակցում են դպրոցի առաջնությանը:Այս ուստարվանից շախմատը որպես պարտադիր առարկա ուսուցանվելը մեծ հետաքրքրություն է առաջացրել բոլոր աշակերտների մոտ: 6-րդ դասարանի աշակերտ Բագրատ Ուլուբաբյանը արդեն մի քանի տարի է, ինչ հաճախում է դպրոցի շախմատի խմբակ: Մարզիչ Գ. Գալստյանը հիանում է տղայի առաջընթացի, երևակայության զարգացման և մտքի թռիչքի վրա: Մարզիչի խորհրդով Բագրատը զուգահեռաբար սկսում է մարզվել Սպորտային խաղերի մարզադպրոցում / մարզիչ Հ. Փաշայան/: 2012թ. Բագրատի համար եղավ հաղթանակների շրջան: Նախ արժանացավ 3-րդ կարգի, հետո էլ որակավորման մրցաշարում ձեռք բերեց 2-րդ կարգ: Դասընկերների խնդրանքով նա բլից խաղ անցկացրեց իր համադասարանցիների հետ, անգամ 2-րդ դասարանցիներից երկուսը ցանկացան իրենց ուժերը փորձել Բագրատի հետ: Կարևորում ենք նաև աղջիկների մասնակցությունը շախմատի խաղերին: Կարծում ենք, որ մեր սաների մտավոր ունակությունները շախմատ առարկայի դասավանդման պրոցեսում կտան լավ արդյունք:
Post Title. 02/20/2012
Անվտանգ համացանցՄիասին և ավելի ապահով բացահայտենք թվային աշխարհը  Փետրվարի 17-ին Երևանի Գայի անվ. թիվ 129 դպրոցի համակարգչային կենտրոնում (VI և VII դաս.) անցկացվեց դաս- միջոցառում՝ <<Անվտանգ համացանց 2012>> թեմայով: Դասի նպատակն էր աշակերտներին իրազեկել համացանցի վտանգների մասին: Նրանք ծանոթացան safe.am կայքին, որտեղ էլ գտան համացանցը ճիշտ և գրագետ օգտագործելու համար անհրաժեշտ ուսումնական նյութեր և տեղեկություններ: Երեխաներին շատ դուր եկան կայքում տեղադրված թեստերը, որոնք շատ հետաքրքիր էին և օգտակար: Նրանք եկան այն եզրակացությանը, որ համացանցից օգտվելիս պետք է անշեղորեն պահպանել էթիկայի կանոնները: 
Post Title. 02/08/2012
21-րդ դարի բանակ  27.01.2012թ Գայի անվ թիվ 129 դպրոցում մեծ միջոցառում էր կազմակերպված` նվիրված ՀՀ բանակի 20-ամյակին: Միջոցառմանը մասնակցում էին նաև Քանաքեռի N 30549 զորամասի ներկայացուցիչները: Դպրոցում մեծ տեղ է հատկացվում ռազմահայրենասիրական դաստիարակությանը: Տնօրինության շնորհիվ պահպանվում է կապը բանակում ծառայող սաների հետ, իսկ ծառայությունը ավարտած սաները, որպես ավանդույթ, այդ օրը գալիս են դպրոց, մասնակցում միջոցառմանը և սրտի խոսք ասում իրենց ծառայության և հայրենիքի հանդեպ պարտքի գիտակցության մասին: Միջոցառման վերջում ապագա զինվորները իրենց ռազմագիտության ուսուցչի հետ այցելում են Քանաքեռի N 30549 զորամաս` ծանոթանալու բանակի կյանքին:
Post Title. 12/23/2011
Նորից Գաֆէսճյան կենտրոնում  Երևանի Գայի անվան թիվ 129 դպրոցի ներառական կրթության համակարգի բազմամասնագիտական թիմը հաշմանդամների օրվա առթիվ` դեկտեմբերի 3-ին այցելեց դպրոցի աշակերտների հետ միասին Գաֆէսճեան արվեստի կենտրոն: Դա բազմամասնագիտական թիմի կողմից կազմակերպված երկրորդ այցն էր: Այս անգամ ցուցադրում էին ժամանակակից արվեստի լավագույն նմուշները` Վիկտոր Վազարելիի <<Օպտիկական հեռանկարները>> ստեղծագործությունները:Ցուցադրվող բոլոր ցուցանմուշները Ջերալդ Լ. Գաֆէսճեանի անձնական հավաքածուներից էր, որը մեծ հետաքրքրությամբ դիտեցին աշակերտները:  Այցի շրջանակներում երեխաներին ծանոթացրեցին հունգարացի արվեստագետի` Վ. Վազարելիի կենսագրությանը, նրա արվեստի համամարդկային արժեքների և նշանակության հետ: Այնուհետև աշակերտներին տրամադրվեցին գրաֆիկական պատկերներ, նրանց վրա աշխատելու և գունային տարբերակումներ իրականացնելու համար: Մեկ ժամյա ինքնուրույն աշխատանքի արդյունքում աշակերտները ստեղծեցին գունային երկրաչափական կոմպոզիցիաներ: Աշխատանքների շուրջ եղան քննարկումների և կարծիքների փոխանակում կենտրոնի մասնագետների, թիմի անդամների, ծնողների և աշակերտների միջև: Լավագույն աշխատանքները ցուցադրվեցին և խրախուսվեցին : Նմանատիպ այցելությունները արվեստի կենտրոններ նպաստում են աշակերտների սոցիալիզացիայի և ինտեգրման գործընթացին: Post Title. 12/15/2011
Մենք սովորում ենք հավասար իրավունքներով  Դեկտեմբերի 9-ին Երևանի Գայի անվան թիվ 129 դպրոցի աշակերտների, ուսուցիչների և ծնողների հերթական հանդիպումն էր, որը նվիրված էր <<Հույսի կամուրջ>> հկ 15-ամյա տարեդարձին: Հյուրերի թվում էին <<Դպրոցական ծնող խորհուրդների ազգային ասոցացիա>> հկ ծրագրերի պատասխանատու`Լուիզա Ջանոյանը, գործադիր տնօրեն` Ռուզան Հակոբյանը, իրավաբան` Նոնա Մարգարյանը: Հանդիպմանը բացման խոսքով հանդես եկավ հատուկ մանկավարժ` Արմենուհի Գևորգյանը, որը ներկայացրեց Գայի անվան 129 դպրոցի և <<Հույսի կամուրջ>> հկ սերտ համագործակցության և արդյունքում արձանագրված բազմաթիվ ձեռքբերումները: Այնուհետև IV -VIII դասարանի աշակերտները բեմադրեցին Հ. Թումանյանի << Բարեկենդան>> հեքիաթը / բեմադրող հատուկ մանկավարժ` Ա. Գևորգյան/: Հեքիաթի հերոսների դերակատարումներով հանդես եկան կրթության առանձնահատուկ պայմանների կարիք ունեցող չորս աշակերտներ և կրթության առանձնահատուկ պայման-ների կարիք չունեցող երեք աշակերտներ: -Այն հարցերը, որոնց շուրջ ընթացան քննարկումները, դրանց պատասխանները տվեցին մեր դերասանները, - հանդիպման վերջում նշեց իրավաբան Նոնա Մարգարյանը: Նրանք արդեն իսկ շեշտեցին, որ դպրոցում սովորում են հավասար իրավունքներով և հավասար պայմաններում: -Այս դպրոցում,- հավելեց ծրագրերի պատասխանատու` Լուիզա Ջանոյանը,- ծնողներն ակտիվ են և հանդուրժող, որն էլ նպաստում է ներառական կրթության համակարգի ճիշտ և համահունչ իրականացմանը: Իսկ այս գործընթացում կարևոր դերակատարում ունեն ինչպես դպրոցի տնօրինությունը, այնպես էլ բազմամասնագիտական թիմը և մանկավարժական ողջ կոլեկտիվը: | AuthorWrite something about yourself. No need to be fancy, just an overview. ArchivesApril 2012 CategoriesAll |
RSS Feed