Blog Archives

Post Title.

23/12/2011

Նորից Գաֆէսճյան կենտրոնում

Երևանի Գայի անվան թիվ 129 դպրոցի ներառական կրթության համակարգի բազմամասնագիտական թիմը հաշմանդամների օրվա առթիվ` դեկտեմբերի 3-ին այցելեց դպրոցի աշակերտների հետ միասին Գաֆէսճեան արվեստի կենտրոն: Դա բազմամասնագիտական թիմի կողմից կազմակերպված երկրորդ այցն էր: Այս անգամ ցուցադրում էին ժամանակակից արվեստի լավագույն նմուշները` Վիկտոր Վազարելիի <<Օպտիկական հեռանկարները>> ստեղծագործությունները:Ցուցադրվող բոլոր ցուցանմուշները Ջերալդ Լ. Գաֆէսճեանի անձնական հավաքածուներից էր, որը մեծ հետաքրքրությամբ դիտեցին աշակերտները:

Այցի շրջանակներում երեխաներին ծանոթացրեցին հունգարացի արվեստագետի` Վ. Վազարելիի կենսագրությանը, նրա արվեստի համամարդկային արժեքների և նշանակության հետ:
Այնուհետև աշակերտներին տրամադրվեցին գրաֆիկական պատկերներ, նրանց վրա աշխատելու և գունային տարբերակումներ իրականացնելու համար: Մեկ ժամյա ինքնուրույն աշխատանքի արդյունքում աշակերտները ստեղծեցին գունային երկրաչափական կոմպոզիցիաներ: Աշխատանքների շուրջ եղան քննարկումների և կարծիքների փոխանակում կենտրոնի մասնագետների, թիմի անդամների, ծնողների և աշակերտների միջև: Լավագույն աշխատանքները ցուցադրվեցին և խրախուսվեցին : Նմանատիպ այցելությունները արվեստի կենտրոններ նպաստում են աշակերտների սոցիալիզացիայի և ինտեգրման գործընթացին:

0 Comments

Post Title.

15/12/2011

0 Comments

Մենք սովորում ենք հավասար իրավունքներով

Դեկտեմբերի 9-ին Երևանի Գայի անվան թիվ 129 դպրոցի աշակերտների, ուսուցիչների և ծնողների հերթական հանդիպումն էր, որը նվիրված էր <<Հույսի կամուրջ>> հկ 15-ամյա տարեդարձին: Հյուրերի թվում էին <<Դպրոցական ծնող խորհուրդների ազգային ասոցացիա>> հկ ծրագրերի պատասխանատու`Լուիզա Ջանոյանը, գործադիր տնօրեն` Ռուզան Հակոբյանը, իրավաբան` Նոնա Մարգարյանը: Հանդիպմանը բացման խոսքով հանդես եկավ հատուկ մանկավարժ` Արմենուհի Գևորգյանը, որը ներկայացրեց Գայի անվան 129 դպրոցի և <<Հույսի կամուրջ>> հկ սերտ համագործակցության և արդյունքում արձանագրված բազմաթիվ ձեռքբերումները: Այնուհետև IV -VIII դասարանի աշակերտները բեմադրեցին Հ. Թումանյանի << Բարեկենդան>> հեքիաթը / բեմադրող հատուկ մանկավարժ` Ա. Գևորգյան/: Հեքիաթի հերոսների դերակատարումներով հանդես եկան կրթության առանձնահատուկ պայմանների կարիք ունեցող չորս աշակերտներ և կրթության առանձնահատուկ պայման-ների կարիք չունեցող երեք աշակերտներ:

-Այն հարցերը, որոնց շուրջ ընթացան քննարկումները, դրանց պատասխանները տվեցին մեր դերասանները, - հանդիպման վերջում նշեց իրավաբան Նոնա Մարգարյանը: Նրանք արդեն իսկ շեշտեցին, որ դպրոցում սովորում են հավասար իրավունքներով և հավասար պայմաններում:

-Այս դպրոցում,- հավելեց ծրագրերի պատասխանատու` Լուիզա Ջանոյանը,- ծնողներն ակտիվ են և հանդուրժող, որն էլ նպաստում է ներառական կրթության համակարգի ճիշտ և համահունչ իրականացմանը: Իսկ այս գործընթացում կարևոր դերակատարում ունեն ինչպես դպրոցի տնօրինությունը, այնպես էլ բազմամասնագիտական թիմը և մանկավարժական ողջ կոլեկտիվը:

0 Comments

Ստեղծագործում են մեր դպրոցի աշակերտները

12/12/2011

0 Comments

Գայի անվան թիվ 129 դպրոցի 8- րդ դասարանի աշակերտուհի Աննա Աղաբեկյանը մասնակցել է մանկական հեքիաթ պատմվածքի մրցույթին և անցել է 2-րդ փուլ: Ստորև ներկայացնում ենք նրա հեքիաթներից մեկը, եթե այն ձեզ դուր գա, կարող եք այցելել mocak.am- կայք և գնահատել :

Ինչ է մտածում դեղնած տերևը
(հեքիաթ)

Խնձորենու վրա դեղնել էր առաջին տերևը: Գարնանը առաջինը նա էր բողբոջից դուրս եկել և հիացել իր անթիվ քույր ու եղբայր տերևների լույս աշխարհ գալով: Նա հիշում էր թե ինչպես էին նրանք գուրգուրում մայր ծառի մյուս բալիկներին` կարմրաթուշ խնձորներին:
Այժմ նա խամրել և կնճռոտվել էր ու տխուր մտածում էր.
-Երանի՜ հիմա գարուն լիներ: Ես իմ քույր ու եղբայրներից չէի բաժանվի, իսկ հիմա, ով գիտի, քամին ինձ ուր կտանի:
Նա այնքան տխուր էր, որ սկսեց լաց լինել: Տերևները հարցրին թե ինչու է լաց լինում: Տերևը պատմեց ամեն ինչ իրեն շրջապատող տերևներին: Նրանք փորձում էին սփոփել նրան` ասելով.
-Լաց մի՛ եղիր, ամեն ինչ լավ կլինի, եթե մենք միասին ու ուժեղ մնանք:
Տերևը ,լսելով այդ խոսքերը, մի քիչ հանգստացավ: Անցան օրեր և մայր ծառի մյուս տերևներն էլ կարմրեցին ու կնճռոտվեցին: Նրանք հասկացան, որ շուտով հրաժեշտ են տալու մայր ծառին:
Մութ գիշեր էր: Հանկարծ քամի փչեց, և տերևը, պոկվելով ծառից, ընկավ գետնին: Նա լաց էր լինում, բայց նրան տերևները չէին կարողանում օգնել: Առավոտյան մի քանի տերևներ էլ թափվեցին: Մի քանի օրվա ընթացքում բոլոր տերևները պոկվեցին մայր ծառից:
Արդեն ուշ գիշեր էր: Տերևներն իրար վրա ընկած սրթսրթում էին սառը քամուց: Նրանք կորցրել էին իրենց հույսը: Հանկարծ մի աղջնակ մոտեցավ և տերևներին դնելով փոքրիկ արկղիկի մեջ` տարավ տուն: Նա բացեց մի հաստափոր, նկարազարդ գիրք և բոլորին շարեց գրքի թերթերի արանքում: Տերևներն իրենց շատ լավ էին զգում, որովհետև աղջնակը հաճախ էր բացում այդ գիրքը և թերթելով էջերը` խնամում տերևներին:

0 Comments

Հրաժեշտ աշնանը

8/12/2011

0 Comments

This is your new blog post. Click here and start typing, or drag in elements from the top bar.

Գայի անվան թիվ 129 դպրոցում ռուսաց լեզվի ներկայանալի դասերն ամենամսյա բնույթ են կրում / դպրոցն ունի ռուսերենի խորացված ուսուցում/: Վերջին միջոցառումը <<Հրաժեշտ աշնանը>> խորագրով ներառել էր 3-րդ և 4-րդ դասարանի աշակերներին: Մասնակիցներից 3–րդ դասարանի աշակերտ Պապյան Սամվելը երկու տարի է, որ հաջողությամբ մասնակցում է <Ռուսական արջուկ> մրցույթին` արժանանալով մրցանակի:

Աշակերտները ռուսերենով արտասանեցին Վ. Բրյուսովի, Ա. Տայանովսկու, Սոբակինի և ուրիշ բանաստեղծների գործերից:

Դասը անցավ շատ կազմակերպված, աշնանային գույներով ձևավորված դասասենյակում, երաժշտության մեղմ հնչյունների ներքո: Դաս- միջոցառմանը կիրառվել էին նաև ժամանակակից ինֆորմացիոն տեխնոլոգիաները` ցուցադրելով աշնանային գունեղ պատկերներ:

Դասի վերջում ուսուցչուհի Սվետլանա Ռասկազովան աշակերտների համար անակնկալ էր պատրաստել : Բոլորն ստացան խրախուսական մրցանակներ և պատվոգրեր:

0 Comments

Post Title.

Նորից Գաֆէսճյան կենտրոնում

Post Title.

Ստեղծագործում են մեր դպրոցի աշակերտները

Ինչ է մտածում դեղնած տերևը
(հեքիաթ)

Հրաժեշտ աշնանը

Archives

Author

Categories

Post Title.

Նորից Գաֆէսճյան կենտրոնում

Post Title.

Ստեղծագործում են մեր դպրոցի աշակերտները

Ինչ է մտածում դեղնած տերևը (հեքիաթ)

Հրաժեշտ աշնանը

Archives

Author

Categories

Ինչ է մտածում դեղնած տերևը
(հեքիաթ)