Blog Archives

March 16th, 2017

16/3/2017

      Գայի անվան թիվ129 դպրոցում 103-րդ հոբելյանին նվիրված գրական հուշ-ցերեկույթ-հանդիպում էին կազմակերպել գրողի որդու՝ Նաիրի Սահյանի և մի խումբ վետերանների հետ:
     Մթնոլորտը հագեցած էր Սահյանական տրամադրությամբ: Աշակերտները մեծանուն գրողի խորիմաստ ստեղծագործություններից առանձնահատուկ զգացմունքով տպավորեցին ներկաներին:
     Բացման խոսքով ներկայացավ դպրոցի դպրոցի տնօրեն Լ. Պետրոսյանը: Ցերեկույթի վերջում գրողի որդուն տրվեցին հարցեր և աշակերտների և ուսւուցիչների կողմից, որոնց պատասխանը եղավ համոզիչ և հումորախառն:
    <<Խորհրդավոր անակնկալը>> ևս մեկ անգամ փաստեց, որ Գայի անվան թիվ 129 դպրոցում արվեստի գործիչների մեծարումը ավանդույթ է, ինչը խոսում է մատաղ սերնդի հայեցի դաստիարակության մասին:

0 Comments

Խորհրդավոր անակնկալ Գայի անվան թիվ 129 դպրոցի կոլեկտիվից:

16/3/2017

0 Comments

     Մեր հյուրն էր Համո Սահյանի քույր Պայծառ Գրիգորյանը, ով հյուընկալվել է մեր դպրոցում կազմակերպված գրական հուշ-ցերեկույթին Համո Սահյանի ծննդյան 90-րդ հոբելյանին:
Արվեստի գործիչների մեծարումը Գայի դպրոցում ավանդույթ է, ինչը խոսում է մատաղ սերնդի հայեցի դաստիարակության մասին: Մենք երախտապարտ ենք մեծանուն գրողների մեզ թողած գրական անգին գոհարների համար:

                                                                                                        Սիրով Տնօրինություն

0 Comments

Գայի դպրոցի սաները մանկավարժական համալսարանում

16/3/2017

0 Comments

Հեռակա ուսուցման կենսաբանություն մասնագիտության 4-րդ կուրսի ուսանողներն իրենց մանկավարժական պրակտիկայի շրջանակներում կազմակերպեցին բաց դաս «Հոդվածոտանիներ. ի՞նչ կենդանիներ են դրանք» խորագրով, որն անցկացվեց ԿՔԱ ֆակուլտետի կենսաբանության լաբորատորիայում: Այս անգամ Գայի անվան թիվ 129 դպրոցի 7-րդ դասարանի աշակերտները իրենց կենսաբանության ուսուցչուհի Նաիրա Բաբոյանի հետ հյուրըկալվեցին մանկավարժական համալսարանում։ Ողջույնի խոսքով աշակերտներին դիմավորեց համալսարանի դոցենտ Մարո Քոչարյանը: Դասը վարում էին հենց ուսանողները: Աշակերտներին առավել հետաքրքրեց աշխատանքը մանրադիտակով, հատկապես թիթեռների թևերի կառուցվածքի, գունակների և պրիզմաների դիտումները, միջատների զարգացման փուլերի դիտարկումները, դե իհարկե գետի խեցգետնի հերձման աշխատանքը:
Հետևելով ավանդույթին, բաց դասն ավարտվեց ՀՊՄՀ թանգարանում:

ԵՐԵՎԱՆԻ ԳԱՅԻ (ՀԱՅԿ ԲԺՇԿՅԱՆՑ) ԱՆՎԱՆ ԹԻՎ 129 ԴՊՐՈՑՈՒՄ
ՄԱՆԿԱՎԱՐԺԱԿԱՆ ՊՐԱԿՏԻԿԱՅԻ ԱՆՑԿԱՑՄԱՆ ՄԱՍԻՆ
Կ Ա Ր Ծ Ի Ք


            Դպրոցը վերանորոգված է, ունի հանդիսությունների դահլիճներ, կահավորված գրադարան, կահավորված լաբորատորիաներ ու կաբինետներ, որոնք առավել մատչելի են դարձնում աշխատանքն աշակերտների հետ և նպաստում են առարկաների յուրացմանը։ Դպրոցն ունի իր նշանաբանը՝ ամեն ինչ գեղեցիկի սկզբունքով, որն իրոք իր որոշակի արտահայտությունն է թողնում դպրոցի ընդհանուր աշխատանքի վրա:
            Կարևրում եմ այն փաստը, որ դպրոցում տիրում է աշխատանքային մթնոլորտ, հարգալից վերաբերմունք աշակերտների, կոլեգաների, ինչպես նաև պրակտիկանտների և նրանց ղեկավարների նկատմամբ: Պրակտիկայի հետ կապված ողջ աշխատանքը կանոնակարգված է և վերահսկվում է պատասխանատուների կողմից:
                Դպրոցն ընդգրկված է ներառական կրթության ծրագրում և պրակտիկանտների համար շփումն ու աշխատանքը ԿԱՊԿՈՒ աշակերտների հետ կարևոր է՝ իրենց հետագա մանկավարժական աշխատանքի համար:
                Դպրոցում պրակտիկանտներն ապահոված են պրակտիկայի լիարժեք անցկացման համար անհրաժեշտ դասասենյակով, որտեղ անցկացվում են քննարկումներ, նրանց են տրամադրվում դասի անցկացման համար անհրաժեշտ դիդակտիկ նյութերը, ուսուցչի կողմից խորհուրդներ:
Ամենակարևորը, որ կցանկանայի նշել, դա փորձված ուսուցիչների առկայությունն է, հանձինս Նաիրա Բաբոյանի, ով պատրաստակամորեն ուղղորդում է պրակտիկանտներին, քննարկումներ և վերլուծություններ է անցկացնում, ստուգում դասապլանները և այլն:
Շնորհակալություն եմ հայտնում դպրոցի ոցջ անձնակազմին իրենց կատարած դժվարին և պատասխանատու գործի համար:

      Մանկ. պրակտիկայի մեթոդիստ, ՀՊՄՀ կենս. ամբիոնի դոցենտ,
      կ.գ.թ.՝ Մարո Քոչարյան

0 Comments

Խնկո Ապոր գրադարանում

8/3/2017

0 Comments

Գայի անվան թիվ 129 դպրոցի I դասարանի աշակերտները դասվար Է. Ավետյանի գլխավորությամբ, պլանով նախատեսված կարգով այցելել են Աթաբեկ Խնկոյանի(Խնկո Ապոր) գրադարան, որտեղ ծանոթացել էին մեծ մանկագրի անզուգական ստեղծագործություններին, դիտել մուլտֆիլմ, լսել հեքիաթներ և հիասքանչ տպավորություններով կիսվել իրենց դասվարի և գրադարանի հեքիաթասածի հետ:

0 Comments

March 16th, 2017

Խորհրդավոր անակնկալ Գայի անվան թիվ 129 դպրոցի կոլեկտիվից:

Գայի դպրոցի սաները մանկավարժական համալսարանում

Խնկո Ապոր գրադարանում

Archives

Author

Categories