Երևանի Գայի անվան թիվ 129 հիմնական դպրոցում
դասերը սկսվում են նախավարժանքով
դասերը սկսվում են նախավարժանքով
|
Այսօր հանրապետության բոլոր ուսումնական հաստատություններում տոնական հանդիսություններ էին կազմակերպված՝ նվիրված նոր՝ 2015-2016 ուստարվան: Գիտելիքի օրվան նորովի էին պատրաստվել նաև Երևանի Գայի անվան թիվ 129 հիմնական դպրոցում: Բարի ավանդույթի համաձայն դպրոցի պատվավոր հյուրերի թվում էին համայնքի ներկայացուցիչներ, դպրոցի շրջանավարտ, սիրված դերասան՝ Սարգիս Գրիգորյանը և ուրիշներ: Բազմադարյա պատմություն և մշակույթ ունեցող, գիտելիք , գիր և գրականություն պաշտող մեր ժողովուրդը անցյալից հիշելու և հիշատակելու բազում դեպքեր ունի կապված այս օրվա տոնի հետ, որոնցից դրվագներ ներկայացվեցին մանրապատումի տեսքով: Տնօրեն Լ. Պետրոսյանը իր շնորհավորանքի խոսքում նշեց և ընթերցեց ուղերձները, որ հղել էին քաղաքապետ՝ պրն. Տ. Մարգարյանը և համայնքի ղեկավար՝ պրն. Հ. Անտոնյանը: Երգ, պար, երաժշտություն և շատ անակնկալներ, որոնցից բոլորին հուզեց կերպարվեստի ուսուցիչ Լ. Վարդանյանի խոսքը: Տարիներ առաջ դերասան Սարգիս Գրիգորյանը դպրոցում գործող նկարչության խմբակի անդամներից էր: Նրա նկարներից չորսը մրցույթում ճանաչվել էր լավագույնը՝ արժանանալով խրախուսանքի: Ուսուցիչը խնամքով պահած այդ նկարներից մեկը նվիրեց հեղինակին՝ սիրված դերասանին: - Ինչպես յուրաքանչյուր ուսուցիչ, այդպես էլ յուրաքանչյուր աշակերտ դպրոցում թողնում է իր <<հետքը>>: Վստահ եմ, որ այսօր դպրոց ոտք դնող աշակերտը պետք է գիտակցի դա և մտածի բարի <<հետագիծ>> թողնելու մասին,- նշեց դերասանը հուզված և զգացված: Հնչեց առաջին զանգը և բոլորին հրավիրեց դպրոց՝ ազդարարելով նոր ուսումնական տարվա սկիզբը: |
AuthorWrite something about yourself. No need to be fancy, just an overview. Categories
Все
|
RSS-канал
