Blog Archives

March 31st, 2015

31/3/2015

Հայոց մեծ Եղեռնի 100-ամյակի շրջանակներում

Մեր դպրոցի հյուրն է լեգենդար Գայի թոռը՝ Հայկ Բժշկյանցը: Նա ուրախ է, որ դպրոցում պահում և պահպանում են իր պապիկի հիշատակը: Ծանոթանալով դպրոցի Գայի անունը կրող թանգարանի հարուստ նյութերին՝ նա նաև ներկա գտնվեց անմոռուկների պատրաստմանը: Աշակերտները սիրով նրան նվիրեցին իրենց պատրաստած առաջին անմոռուկը:

March 11th, 2015

11/3/2015

Իմ գործն է ասել ճշմարտությունը…
Վ. Պետրոսյան
Գայի անվան թիվ 129 հիմնական դպրոցի մանակավարժները տնօրինության հետ մեկտեղ մշտապես հետևողական են մեր արվեստի և գիտության ոլորտներում կատարվող հետաքրքիր աշխատանքներին և լույս ընծայվող գրքերին:

Այս անգամ էլ նրանք իրենց մասնակցությունը բերեցին պատմության գիտությունների դոկտոր պրոֆեսոր Վլադիմիր Գևորգի Պետրոսյանի <<Ստեփան Շահումյան. նրա կյանքի պատմությունը>> երկհատորյակի շնորհանդեսին, որը կայացավ Ավ. Իսահակյանի անվան գրադարանում:

- Գրքի հեղինակը ոչ միայն մոռացությունից փրկում է հայ ժողովրդի արժանավոր զավակի անունը, այլև մերկացնում է պատմության կեղծարարներին,- գրել է գրքի տպագրության հովանավոր սփյուռքահայ ազգային-քաղաքական գործիչ, հրապարակախոս Նազարեթ Սրմաքեշյանը:

March 10th, 2015

10/3/2015

ՄԱՅՐԵՆԻԻ ՏՈՆԸ ԳԱՅԻ ԱՆՎԱՆ ԹԻՎ 129 ՀԻՄՆԱԿԱՆ ԴՊՐՈՑՈՒՄ

March 10th, 2015

10/3/2015

Մարտի 4-ին Ավ. Իսահակյանի ԿԳ-ի դահլիճում, <<Մեծ Եղեռնի 100-ամյա տարելիցին ընդառաջ>> ծրագրի շրջանակներում տեղի ունեցավ <<Ճանաչենք մեր Հայրենիքը – Հայկ Նահապետից մինչև Արցախ >> էլեկտրոնային խաղ-մրցույթի առաջին փուլը, որին մասնակցեց նաև մեր դպրոցի <<Մովսես Խորենացի >> թիմը և ստացավ մասնակցության հավաստագիր:

March 09th, 2015

9/3/2015

                                            Մայր իմ անուշ ու անգին…

6.03.15թ. մեր դպրոցում մեծ շուքով նշվեց Կանանց միջազգային օրը՝ մայրերի տոնը, որի կազմակերպիչն էր հմուտ դասվար Էմմա Ավետյանը:

            Հուզիչ խոսքեր ու թովիչ երգեր, որոնք շատերի սրտերը շարժեցին, իսկ արևելյան մարտաձևերի մրցույթներում I տեղը գրաված Մինասյան Հովհաննեսի՝ որպես ռազմի դաշտից մորը դիմող <<զինվորի>> խոսքերը արցունքներ քամեցին ներկաների աչքերից:

-         Մայր իմ թանկագին, դու սպասիր՝ հայրենիքի հանդեպ պարտքս կկատարեմ ու կվերադառնամ…

March 09th, 2015

9/3/2015

Դասը վարում է մտավորականը

Խ. Աբովյանի անվան Մանկավարժական համալսարանի ուսանողական պրակտիկան Գայի անվան թիվ 129 հիմնական դպրոցում անցնում է այս օրվա նման հետաքրքիր և բովանդակալից: Մարտի 5-ին դպրոցում ուսանողների հրավերով աշակերտների հյուրն էր բանաստեղծ Հովհաննես Շանթը: Անմիջական ու անկաշկանդ զրույց ծավալվեց: Երեխաներին հուզող հարցերին տրվեցին սպառիչ և դաստիարակչական խորը նշանակությամբ պատասխաններ:

- Հայը մարդու այն տեսակն է, որը անպարտելի է, իսկ ժամանակը չունի սահմանափակում, և ուրեմն մենք միասին կհասնենք մեր բոլոր երազանքների իրականացմանը և կկառուցենք մեր երազանքների երջանիկ ապագան:

March 04th, 2015

4/3/2015

Մանկավարժական համալսարանում

2.03.15թ. Երևանի Գայի անվան թիվ 129 հիմնական դպրոցի VIII և IX դասարանի աշակերտները փոխտնօրեն Թ. Պետրոսյանի հետ այցելեցին Խ. Աբովյանի անվան մանկավարժական համալսարան՝ ծանոթանալու տարբեր մասնագիտությունների հետ՝ ապագայում ճիշտ կողմնորոշում ձեռք բերելու համար:

Նրանց անմիջական շփումը ԲՈՒՀ-ի պրոֆեսորական կազմի հետ երեխաների երևակայությանը թև տվեց: Նրանք ստացան իրենց հուզող հարցերի պատասխանները:

ԲՈՒՀ-ի թանգարանը յուրօրինակ խտացումն էր անցած փառավոր ուղու և հայ մտքի շողարձակումները՝ անվանի գիտնականների և մանկավարժների, որ տվել է համալսարանը: Նրանցից շատերին աշակերտները ծանոթ էին իրենց դասագրքերից:

Կենդանի շփումը արժևորվեց և' երեխաների և' այս հանդիպումը կազմակերպող դասախոսական կազմի ու ուսուցիչների կողմից:

March 04th, 2015

4/3/2015

ՄԻԱՄՍՅԱԿ՝ ՆՎԻՐՎԱԾ <<ԵՐԿԱԹՅԱ ԴԻՎԻԶԻԱՅԻ>> ՀՐԱՄԱՆԱՏԱՐԻՆ

    Բազմամարդ էր Գայի անվան թիվ 129 հիմնական դպրոցի սրահը: Այդ օրը դպրոցի անվանակոչության 50-ամյակի առթիվ համադպրոցական միջոցառում էր կազմակերպված: Դպրոցի հյուրերն էին Հայրենական և Արցախյան պատերազմների մասնակիցներ, Գայի` Հայկ Բժշկյանի թոռնուհին և զարմիկը, ծնողներ և նախկին գայականներ: Հյուրերի թվում էր Մոսկվայի N 1581 լիցեյում Գայի անվ. <<Երկաթյա դիվիզիայի>> թանգարանի տնօրեն Մաքսիմ Սինիցինը:
    Դպրոցում տասնամյակների ընթացքում կատարված հսկայածավալ աշխատանքների մեջ իր մեծ լուման է ներդրել Թ. Պետրոսյանը, որի համար բանակի գեներալ Ի.Ն. Ռադիոնովի կողմից նա արժանացավ ՙ<<Երկաթյա դիվիզիայի փառավոր ավանդույթների ժառանգորդ>> հուշամեդալին :
    Թ. Պետրոսյանը արդեն 30 տարի դպրոցի ուսուցչական ողջ կոլեկտիվի հետ հաստատակամորեն շարունակում է աշխատել` առաջնորդվելով լեգենդար Գայի սկզբունքով. <<Հիշել անցյալը, հավատալ ապագային>>:
    Մաքսիմ Սինիցինը Գայի անվան <<Երկաթյա դիվիզիայի>> թանգարանի կողմից մեդալ հանձնեց նաև թիվ 129 դպրոցի Գայի անվ. դպրոցի տնօրեն Լ. Պետրոսյանին և Գայի թոռնուհի Ն. Բշկյանցին: