Փետրվարի 17-ին Երևանի Գայի անվան 129 հինական դպրոցը հյուրընկալեց Ոստիկանության Արաբկիրի բաժնի պետ պարոն Գ. Ամիրխանյանին և Արաբկիր համայնքի հոգևոր հովիվ Բաբկեն Հայրապետյանին:
|
ՎԱՎԵՐԱԳՐԱԿԱՆ ՓԱՍՏԵՐ ՄԵԾԵՐԻ ԿՅԱՆՔԻՑ Ամեն տարի հայ մեծ բանաստեղծ Հովհ. Թումանյանի ծննդյան օրը Գայի անվան թիվ 129 հիմնական դպրոցի գրքասերների խմբակը(ղեկավար Լ. Հարությունյան) հանդես է գալիս մի նոր ու հետաքրքիր նախաձեռնությամբ:Իրար գրքեր նվիրելու բարի ավանդույթին նրանք հավելել էին նաև հետաքրքիր փաստեր և դիպվածներ անվանի մարդկանց կյանքից: Ուսանելի էր այն, որ աշակերտները հավաքել էին այնպիսի տեղեկություններ, որոնք վերաբերում էին գրքին, կրթությանն ու դաստիարակությանը:Որ մեկ գիրքն ի զորու է փոխելու մարդու կյանքը, դա փաստ է:Սակայն երբ այդ մասին խոսվում է դպրոցի հարուստ գրադարանում, կարծես թե հանդեսին մասնակցում են նրանք՝ մտքի և գրականության հսկաները: Հովն. Թումանյանի ստեղծագործություններից մի քանիսը հնչեցին դպրոցի լավագույն ասմունքողների՝Հայկի և Անուշի կողմից:Նշվեց, որ Թումանյանը ոչ միայն խոսքի վարպետ է, այլև նրա ստեղծագործությունների հիման վրա գրվել են շատ երաժշտական ստեղծագործություններ՝ երգեր և օպերաներ: Երեխաները կատարեցին Թումանյանի հեղինակած երգը՝ <<Ախ, ինչ լավ է սարի վրա>> երգը: Նրանք կարդացին հատվածներ մեծն լոռեցու կյանքի ու ստեղծագործությունների մասին: Պարզվեց, որ գրքասերներից ոմանք նաև հրաշալի նկարում են: Նրաք դրվագել էին Թումանյանի հեքիաթներից և պատմվածքներից իրենց դուր եկած պահերը: Ստեղծագործող աշակերտները հանդես եկան իրենց բանաստեղծություններով և ակրոստիքոսներով՝ նվիրված գրքին, Թումանյանին և և հայոց լեզվին: Միջոցառմանը մասնակցում էին դպրոցի տնօրինությունը և ուսուցիչներ, ծնողներ, աշակերտներ և Խ. Աբովյանի անվան մանկավարժական համալսարանի ուսանող-պրակտիկանտներ, որոնք էլ գրքեր նվիրեցին աշակերտներին՝ լավագույն մաղթանքներով: Վերջում գնահատանքի խոսք ասաց դպրոցի փոխտնօրեն՝ Թ. Պետրոսյանը: Միջոցառմանը ներկա էին նաև Արաբկիր վարչական շրջանի թիվ 36 գրադարանի ներկայացուցիչները, որոնք ևս գրքեր նվիրեցին ունկնդիր աշակերտներին: Գայի օրերը դպրոցում Այս տարի ավանդույթի համաձայն Գայի անվան թիվ 129 դպրոցում նշվեց լեգենդար հերոսի ծննդյան օրը: Հնչեց պատանի գայականների խրոխտ հիմնը: Դպրոցի տնօրեն Լ. Պետրոսյանը ներկայացրեց հերոսի անցած փառավոր ուղին ու սխրանքները: Աշակերտներից երկուսը պատվո պահակ էին կանգնել հերոսի կիսանդրու մոտ: Հանդիսավոր կերպով բերվեց ՀՀ դրոշը: Աշակերտները ծաղիկներ դրեցին հուշարձանի առաջ: Նրանք դասերի ավարտից հետո այցելեցին Նոր- Նորք թաղամասում գտնվող Գայի արձանին և ծաղկեպսակ դրեցին նրա առաջ՝ երդվելով նրա նման պայքարել հայրենիքի թշնամիների դեմ՝ չխնայելով ոչինչ: Օրվա երկրորդ կեսին մի խումբ գայականներ այցելեցին Գայի մորաքրոջ աղջկան, որը վաղուց դպրոցի և աշակերտների ուշադրության և հոգածության կենտրոնում է: Երեխաների այցելությունը մեծ ոգևորություն է պարգևում ծեր կնոջը և նրան հարստացնում վառ տպավորություններով: |
AuthorWrite something about yourself. No need to be fancy, just an overview. Categories
Все
|
RSS-канал
